الشمول المالي

• يعني ايه الشمول المالي؟

الشمول المالي هو إتاحة مختلف الخدمات المالية للاستخدام من قبل جميع فئات المجتمع، من خلال القنوات الرسمية بجودة وتكلفة مناسبة مع حماية حقوق المستفيدين من تلك الخدمات، بما يمكنهم من إدارة أموالهم بشكل سليم.

• ومثال على المنتجات والخدمات المالية:

• حسابات توفير
• حسابات جارية
• خدمات الدفع والتحويل
• محافظ الهاتف المحمول
• البطاقات المدفوعة مقدما
• التأمين
• التمويل والائتمان
• وغيرها من المنتجات والخدمات المالية المختلفة

المنتجات دي لازم تتقدم من خلال القنوات الرسمية، مثل البنوك وهيئة البريد ومقدمي خدمات التمويل متناهي الصغر وميسري خدمات الدفع الالكتروني، وكمان لازم تبقى اسعارها مناسبة للجميع ويكون سهل الحصول عليها وتراعي حماية حقوق العملاء. كل ده عشان نضمن ان كل فئات المجتمع يبقى عندهم فرص مناسبة لإدارة أموالهم ومدخراتهم بشكل سليم وآمن لضمان عدم لجوء الأغلبية للوسائل غير الرسمية التي لاتخضع لأية رقابة واشراف، اللي ممكن تعرضهم لحالات نصب او تفرض عليهم رسوم مبالغ فيها.

• إيه أهداف الشمول المالي؟

الشمول المالي بيهتم بشرائح كتيرة في المجتمع، زي الشباب والمرأة، كبار السن ذوي الهمم، الموظفين، أصحاب المشروعات، أصحاب الحرف، وحتى اللي بدون عمل.

الشمول المالي بيضمن ان كل الفئات دي تلاقي منتجات مالية مناسبة لاحتياجاتهم وظروفهم وده يؤدي لتحسين مستوى المعيشة وبالتالي خفض معدلات الفقر وتحقيق النمو الاقتصادي للأفراد والدولة.

• معلومات تهمك:

• لما تفتح حساب في البنك هتقدر تحوش فيه بأمان وفلوسك مضمونة من البنك المركزي.
• الشمول المالي ملوش علاقة بالدعم ولو فتحت حساب وحوشت فيه ده مش بيحرمك من الدعم.
• حساباتك سرية والبنك بيضمنلك ان محدش له الحق يطلع عليها غيرك.
• الشمول المالي دلوقتي بيوفرلك أنك ممكن تفتح حساب ليك أو لشركتك بالبطاقة بس ومن غير أي مستندات إضافة.

منتجات الشمول المالي من AIB هي منتجات تم تصميمها لإدماج المواطنين في النظام المالى الرسمي بتكلفة معقولة وبطريقة عادلة. وهي منتجات تتناسب مع شرائح المجتمع ذات الدخل المنخفض / المتوسط والأنشطة الإقتصادية الصغيرة أو الناشئة بهدف دمجها مع القطاع المالى الرسمي من خلال تيسير الإجراءات المصرفية إلى أقصى حد ممكن.